قصيده رائعه اوصي باستماعهاا والتفكر في معانيهااا..
سر ياقلم واكتب كلامي بعدما طال السكوت.
كلمة وفا وابغاك ياراعي الوفا تفطن لها.
الناس في الدنيا تعيش وفي اخر العمر بتموت.
كالشجره اللي مرها العبد وجلس في ظلها.
الكل يفنى ماعلى الدنيا مقر ولا ثبوت.
بعض المناوي يتعب الرجال ماياصل لها.
اهون بيوت الخلق عند الله بيت العنكبوت.
وأعظم بيوت الله ليا قدر هدمها كلها.
تب قبل ماتطوى السنين وموعد التوبه يفوت.
صم زك حج وجاهد كل الفرايض صلها.
اذكر نهار يصير قبرك بيت من ضمن البيوت.
وأهل القبور الله يعلم دووم وش يحصل لها.
ينزل عليك من السماء مرسول لاوصلك تموت.
والروح من بين الضلوع الضيقات يتلهاا.
في ساعة والصدر مابين التضايق والكبوت.
كل العلوم اللي ترى في القلب فمك يهلها.
يالله تجعل قوتنا يوم القيامه خير قوت.
يامن تعز بعزتك قوم وقوم تذلها.
هذي نصيحه قلتها مير السموحه في البيوت.
أخذ النصيحه وانتفع وأما القصيده خلها.
نصيحه بأرفع بها صوتي وأزيد الصوت صوت.
وأقولها واللي عقد روس الحبال يحلهاا..
وفي الحديث:إذا اصبحت فلا تنتظر المساء وإذا امسيت فلا تنتظر الصبااح..
عدل سابقا من قبل قـتـيـل الـهـوى في الخميس يونيو 11, 2009 2:21 pm عدل 2 مرات